Carrot Benefits, Gajar Ke Fawaid

Carrot

Carrot is a vegetable. It is very useful for eyes and skin. Carrot is a very healthiest vegetable. It helps the making of blood. It has Vitamins A, B, C and calcium, folic acid, phosphorus, beta carotene, carbohydrates. Kindly request to all of you, please first take advice to your Doctor then use any tips. In this page you will find the information, tips and Carrot benefits in Urdu ( Gajar Ke Fawaid ) In Urdu.

Carrot Benefits In Urdu

Gajar Ke Fawaid

Barre sagheer ki mashoor tareen sabzi hai. Taseer ke lihaz se garam tar hai. Bazahir jitni bazaat aur kam kharch hai. Batin mein utni he mufeed hai. Qudrat ne mein aise anasir rakh diye hain, ke agar insaan unhe istemaal mein na lae. To us ki nashonuma aur amraaz ke muqable karne ki quwwat mein kami paida ho jaye.

Jaded tehqeeq se maloom hua hai, key eh sabzi jise hum itna haqeer aur mamooli samajhte hain. Vitamins ka behtreen zakheera hai. Is mein vitamin A, B, C, folic acid, phosphorus, nishasta aur sugar waghera ke ajzaa pae jate hain. Is liye jism ki tamer o parwarish aur qiyam aur sehta ke liye yeh mufeed tareen sabzi hai. Is mein aik khas juzo aisa hota hai, jo marz shabkori ke dafaa hai. Tajurbey se maloom hua hai ke chon eke jis qadar ajzaa daily jism se kharij hote hain. Wo carrot se hasil ho sakte hain.

Carrot ka juice pina bohat he mufeed hai. Is mein aala qisam ki ghizaiyat hoti hai. Is se khoon saleh peyda hota hai. Yeh maqwi basar hai. Agar carrots bakasrat khai jaen to basarat tez hoti hai. Badi wa balghami bimariyon, kharabi khoon, dil ki dharkan, pathri, yarqan ke liye bohat mufeed hai. Carrots maqwi meyda o dil aur mufarrah hain. Behtreen qabz kusha aur bawaseer ke liye mufeed hai. Is ke khane se urine khul kar aata hai. Kidney aur masane ki pathri toot kar kharij ho jati hai. Amraaz makhsosa ke liye bhi crrots behad mufeed aur maqwi hai.

Doctors ne is haqeeqat ko tasleem kar liya hai ke carrots maqwi baah aur mughliz hain. Honey mein dala hua carrots ka murabba bilkhasoos quwwat e baah ko barhata hai aur muney ko garha karta hai. Carrot ka halwa jism ko mota karta hai. Dard kamar aur sanaf gurdah ke liye mujarrib hai. Maqwi baah o gard, mughliz muney aur dafaa saraat anzaal hai. Vitamins se fayda uthane ke liye carrots ko kacha khana chahiye. Nez teeths aur masorhon ki hifazat ke liye in ka chosna aur chabana mufeed hai. Khoon peyda karti hai. Vitamins ki ziyadti ki wajah se maqbool aam hai. Dimagh aur meyde kp taqat deti hai.

Carrot kae tareeqon se istemal hoti hai. Kachi tarkari, halwa, achaar, murabba aur kanji ki soorat mein bohat khai jati hai. Carrot boil kar ke aur hasb e zaroorat namak mila kar khana sehat ke liye behtreen hai. Raat ko pani mein ubaal kar rakhen, subha jhilka aur ghatli nikal kar khaen, sehat ke liye bohat faiydemnad hai. Carrot mein Beta carotene, phosphorus, calcium, carbohydrates shamil hote hain. Yeh aankhon aur jild ke liye nihayat mufeed hai. Is ke ilawa cancer se bachati hai. Sardiyon mein is ka halwa bohat shauq se khaya jata hai aur is ka juice bhi ghizaiyat se bharpoor hota hai.

Gajar Ka juice